من اختيارات بدر الشمال

قصيدة يامسافر للرياض

يامسافر للرياض .. أوصيك خذ مني رساله
للحبيب اللي ظروفي حايله بينه وبيني
قلّه أنّي من فراقه حالتي ماهي بحاله
السهر رافق عيوني .. والغلا بيّح كنيني
وقلّه أن الشوق يالمعشوق بي وثق حباله
مانسيته مانسيته وأعرف انه مانسيني
ياإلهي طالبك قربه وحنيّة وصاله
ماشكيت الحال غير لربنا ياسامعيني
حبنا عذري وباقي لو طراله ماطراله
وافي/ن له لو يجور الوقت وتطول السنيني
يابعد هيفاء وزينب ياعذاب البرتقاله
كلهم تحت الأوامر سامعين وطايعيني
من جماله واعذابي .. واعذابي من جماله
فاتن/ن عذب/ن يهبّل من يساره لليميني
حالف/ن ماجوز دونه حالف/ن ماارضى بداله
له عسفت احلى القصايد واسمعوا ياعاذليني
لامحاله عن هواه .. وعن غرامه لامحاله
كيف انا بعيش دونه دام حبه محتويني
فدوته قلبي وعيني كل شي بي حلاله
والله انه نبض قلبي .. والله انه نور عيني
يامسافر للرياض اوصيك جب رد الرساله
قلّه ان العهد باقي والغلا حبله متيني
مايخون العهد خلّك لو طراله ماطراله
وافي/ن لك لو يجور الوقت وتطول السنيني

(((((الشاعر ابراهيم العصيمي ))))))