من اختيارات بدر الشمال

قصيدة عزيز نفس

سبحتي والهاجس اللي عن لزومه ما توناّ
حاضره والناس قالت كل طقّه بتْعَلِيمَه
يامساء الاشواق ياقلب عليه الهم شنّا
جيشه اللي ماربحنا من وراه الاّ الهزيمه
إيه جيش الهم خيم في وطنا وامتحنآ
بيننا حالت ظروف الوقت و الفرحه يتيمه
أسهر الليل الطويل وكل مالخفاق حنّا
قلت وين الصبر وينه والصبر باب الغنيمه
إيه يالانسان عز النفس كان العز فنّا
والعقل من ميز الانسان لايصبح بهيمه
صابرٍ لو حمل بقعاء يابدر جار وتجنّآ
وأعترف فرقاه نار وعيشتي بعده أليمه
أشهد أنّ البعد شين وفي شروعه أشهد أنّا
مانصوّت للمقفي لو خسايرنا وخيمه
تنشدوني ليه ضايق.. ؟ لأن نجر اليأس دنّا
تنشدوني ليه ماابكي .. ؟ لأن ماللدمع قيمه
يابدر ياصاحبي بوصيك رد العلم عنآ
التجني والمفارق في الهوى ظلم وجريمه
الله أنه يرحم اللي في حياته مآتهنّا
بين أحاسيسٍ بليده و الأحاسيس السقيمه
جاتك ابياتٍ على لحن الشقى يتمايلنآ ّ
طنخ راسي كان فالأشعار للعشاّق شيمه
منتهى قولي تقبلها تحيات المعنّا
والغلا من بيننا ياصاحبي ربي يديمه

(((((الشاعر ابراهيم العصيمي ))))))