جيتي مثل كذبـه وصرتي حقيقـه

جيتي مثل كذبـه وصرتي حقيقـه .....وصرتي على صفحات الايام عنوان


جيتي سحابة حـب عـذبه رشيقـه..... تمطـر على قلبـي مـن المـزن هتــان


يـم العيــون الناعســات الرقيقــه..... ياللـي هدبهــا ظللـت ذيـك الاوجـان


بوعدك دامي حي وروحي طليقه..... لـعطيــك حبـاَ مـــا حلـم فيـه انسـان


ان كان في قلبـك همومـاَ عميقــه..... انســـي همومــك بدليهــا بالاشجـان


لو جارت الدنيا وصابتك ضيقـه..... تلقين فـي داخل عيوني لك اوطــان


ولـو امحلت دنيـاك فيني حديقـه..... فيها نهر واشجار وورود واغصان


وان كان خفتي هالبحور الغريقه..... انــــا جـزيـره شطهـــا بــر وامــان


انسـي همومـك والبشـر والخليقـه..... انتـي معـي مـا فيـه داعي للاحزان
تقبلو تحياتي م/غ