لعيون ابو خالد اشد؟؟؟؟

هبت هبايبها وثار الكتامي=ورعودها هزت صخرضلع سنجار
وابروقها تسعر وزاح الظلامي=وتنثر بردها در من غب الأبحار
تضاربت اوتار فكري وهامي=هام الخفوق ونظم الشعر بيطار
فروخ العفايف روحو لي شمامي=وضروسهم تضرس على جلب الأشعار
لعيون ابو خالد أشد الحزامي=سارالقلم والدمع مع حبرهاسار
سار وسهرت وساهرٍ ما انامي=واللعين كن بموقها صالي النار
وبديت اعبر باديٍ بالسلامي=سلام ابو خالد من صلب الأفكار
أخوي لاعدو اربعونٍ حشامي=بليخ ليه كنه الوالد البار
لي الشرف في خوته لي اوسامي=وسام على صدري وللضد مسمار
أخوي كنه في يميني حسامي=أخوي أن جارو هل الجور جوار
أن شافني سهران هو ماينامي=يسهر لعيني حاير الفكر محتار
وأن شافني وجعان شد الحزامي=ياما سهر لأجلي ومادور اعذار
له منزلٍ عندي عالي المقامي=خوة اخويه أخ بالفعل مدرار
ولاهو يدرق لي مثل الحرامي= ولاهو على حقي ياهيه دوار
أنا وما املك له بالتمامي=ولو يطلب رقبتي احضرتها احضار
جعل الردي يفداه وخطوا الخمامي=اللي علومه كلها كذب وقمار
يبرك مباريك كبارٍ همامي=وبسوق النشاما قيمته ربع دينار
وبذكر رب البيت اختم كلامي=ربي عليم وعالم علم الأسرار الشاعر / رحيل جديع العنــــزي