الشاعر مهل العدوان الكثيري

يا أمنية محروم توأد أمانيه=قبل العقل جيت وسبقني هبالي
ليل وجموح طموح عتمه مساريه=تضوي دياجيره على بيض فالي
حلمٍ عميق من الطفوله مباديه=ولسّاه مستوطن مساحة خيالي
جسمي مع الحاضر وروحي بماضيه=ومستقبله مجهول .. والراس عالي
الوقت يصمل بي وأنا صاملٍ فيه=إن شان ولا زان ماني مبالي
رغم الألم .. والياس .. والخوف .. والتيه=ما غيّرت مبداي سود الليالي
النفس ماهينه ولا راسي أحنيه=وان هنتها ياحيف نكسة عقالي
يعيّن بي الثنتين لاجيت أوطيه=طنخات جداني .. وطنية خوالي
شعري نهر طيشٍ وعذبه سواقيه=حدوده الجهرى وريحه شمالي
الصعلكه عيّت اتفارق معانيه=إتلازم لمبناه مثل الظلالي
تمرّد حروفه هي اللي تحليه=ما استعبدت لإعلام ولاّ ريالي
ماصرت به نخّاس ليعون قاريه=وش عاد لو ما كنت شاعر مثالي
بعيونهم .. لو قالوا ابليس مغويه= قلت أمرحوا : والناس ماله ومالي ؟.
بس المهم اللي من الناس هاويه=غصبٍ على أبو جد أهله صفالي

 

 

 

 

تعدّي مثل غيره ولا له معي تأثير=مواقف .. ونفسي عن هواها مصابرها
ليا صار مابه بصرة ولا بقى تبصير=وش اللي يقعدني وأنا الطرق سابرها ؟
أبي أعتبر نفسي مسافر يجد السير=خرابه وأنا مرار بالدرب عابرها
ولا لي بها منزال والشمس شمس عصير=تلاعيبها الغربان والفار شابرها
أعد الحقيقة ماعلي من هل التزوير=بخيصٍ بحاضرها ولا أجهل لغابرها
بعض ناس حولي مار ماله معي تقدير=وناسٍ أقدرها وهي في مقابرها
وناسٍ أعاملها كما معامل الخنزير=نجاسه... وناسٍ طيبها من أكابرها
وناسٍ قبل منطوقها تمعن التفكير=وناسٍ على الصفعه تلقّف صوابرها
أبشري لبالي راحته دامها تخيير=ونفسي على الرزلين مالله جابرها
ليا ضاقت دروبي يجيب الله التيسير=فلا ضيق لو ضاقت بوجهي معابرها
ولا كل مسجد لو يأذن بذانه خير=مساجد ضرارٍ لو تنادي منابرها
على كل حال المسألة ماتبي تفسير=طيور الرخم ما تنجني وانت خابرها
حثل والحثاله كيف أببديله التوقير=خلايق ثبرها الله وإبليس ثابرها
وجيهٍ كليحه ما يجي من واراها خير=من أول وهي بالطيب مقطوع دابرها
تدور على اللي حوله السو والتشهير=ويبسانه اشدوقه وجفت محابرها

 

 

 

 

مسفر الكثيري
بارك الله بك على هذا النقل
قصائد جميله ورائعه صح الله لسان شاعرها
تقبل مروري

 

 

 

 

مسفر الكثيري..

كل يوم اجد الأبداع والتألق يزيد ويزيد
تسلم انااملك على النقل الرااائع
قصيده راائعه وجميله لشاعر مهل الكثيري
يعطيك الف عافيه اخوي
لك ودي واحترامي..

 

 

 

 

مخاوي الصبر الأخت سحرام الغرام
جميل مروركم له مكانته عندي
تقبلو ردي

 

 

 

 

مسفر الكثيري

شاكر لك جهودك الرائعه
نقل موفق لشاعر مميز
لك تحيتي وتقديري

 

 

 

 

مسفر الكثيري ومهل الكثيري


لاتعليق ..........


والله مافي احد يقدر يعلق



اسعدك ربي دنيا واخره

 

 

 

 

اخواني
كم انا سعيد لردودك النديه
بارك الله بكم جميعآ
تقبلو ردي

 

 

 

 

مسفر الكثيري
صح الله لسانك وجزاك الله خير

 

 

 

 

مسفر الكثيري نقل موفق واختيار طيب
شكرآ لك