حكاية

حكاية آخر مسخرة
ــــــــــــــــــــــــــــــــــ


قلت للقلب - استفزه-:
والله اني لأتركه !

قال : له عندي معزّه
ماأنت - والله - محركه !!
خل عنك الهرج هذا
.. اللي بلا معنى
ورح له واعتذر منه وردّه !
وان حصل لك بوس يدّه !

قلت للقلب - استجيره - :
والـكـرامـه ؟!

قال : يارب السلامه !
قلت لك رح واعتذر له
وإن حصل لك بوس رجله !
والله ان الله خلقني فيك
.. لأجله !

قلت للقلب :
البنات كثار به من كل لون
الجوافة / الكرز / الزيزفون

قال : انا شالله بلاني
... بالعفون ؟!

قلت : انا شالله بلاني بك
حبيبك ما يبيني ..

قال : انا ادري
مير ماهي في يديك ولا يديني !
قلت : انا بقطع وصاله
قال : انا بقطع وصالي !
قلت : يا قلب استحاله
قال : يارجال غالي !
قلت : ادور لك بداله
قال : دور لك بدالي !!

فهد عافت

 

 

 

 

ابداعات الرائع فهدعافت لاتتوقف عند نوع واحد
من الشعر تلاقيه فارس بكل ميدان من ميادين
الشعر..

ابو فهد..

اشكر ذائقتك الجميله ودائماً تتحفنا بقصائد روعه
يعطيك العافيه اخوي
لك ودي واحترااامي..

 

 

 

 

ابو فهد
ما اجمل هذا التميز الذي تنهجه
طرح جميل وبهي
لك تحيتي وتقديري