عـــشق بــدويه !

قصيدة اعجبتني واحببت انقلها لكم ..

اليكم النص ..





لا تبتعد إقرب و خل العين تروى منك شوف
يكفي ترى بعدك ضما و من دون قربك ما أرتوي

عطشانه لشوفك و من دونك وقف عسر الظروف
حالت و خلت نازح الأبعاد يطويني طوي

عليك سالت دمعة الحسرة و فركت الكفوف
من يوم رحت و كل دقه مع جلاله مستوي

ما جابك إلا جهد من دونك نسى معنى الوقوف
يمشي بطوع اللي لقربك دوم قلبه مهتوي

و يوم إستنرت بشمس قربك عاودت بي للكسوف
أظلم نهاري و الضعيُف دوم في حكم القوي

ويوم إلتقيتك ناف حالي فوق كل الناس نوف
عشق بدويه حالها نشوة سبب عشق بدوي

متميز و لا لك شبيه بالمزايا و الوصوف
ترقى سناد و غيرك بقعر العميقات يهوي

ما يلتقي بك غير من رتب له الحظ الصفوف
و غنا أنا لك يا خويي كنت لك نعم الخوي

و غنا بها له سامرية لحنه ضرب الدفوف
يقول يا ذيب الفلا رديت يوم أنت تعوي

و ردت نجوم الليل صوتك و أنت بالصوت معروف
جيتك أدرج خطوتي و الدرب دونك ملتوي

يا سعد حظ اللي له أطيافك غطت كل الطيوف
كل الطيوف السبع لا طيفك تبين تنزوي

يا نعم حظ قربك و أسعد خفوق بك شغوف
قلب سبب حبك رجف دقات يدوي به دوي

مير البلا إن الوقت أقفى بك و عيا لا يروف
في حال من صدره بدونك عرق خفاقه ذوي

و ما ظنتي حبك لجا و إلا سكن في وسط جوف
كثر الذي جوفي حوي و القلب وسطه محتوي

حقي عليك إسفط عذابي و إجدعه فوق الرفوف
ذكرى لعلك تذكر اللي من صدودك منكوي

وحقك علي إني أكف العين لا يمكن تشوف
غيرك و لا ظني ضماه بشوف غيرك يرتوي

 

 

 

 

خالد جليدان..

شاكره لك كل الشكر لروعة طرحك
قصيده راائعه بروعة تواجدك وابداعك
لكن القصيده موقعها قسم همس القوافي
يعطيك العافيه اخوي
لك كل الود والإحترام..

 

 

 

 

خالد جليدان

مشكور اخوي على هالقصيده الرائعه والجميله تقبل مروري وتقديري

 

 

 

 

سحووره

يسلموووو على المروور والله يعطيك العافيه

 

 

 

 

صح لسان الشاعر

شـكــ وبارك الله فيك ـــرا لك ... لك مني أجمل تحية .

 

 

 

 

خالد الجليدان شـكــ وبارك الله فيك ـــرا لك ... لك مني أجمل تحية .

 

 

 

 

خالد جليدان
سلمت على هذا الطرح الجميل

لك تحيتي وتقديري

 

 

 

 

بدر الشمال

الله يعطيك العافيه على المروور

وتقبل ودي واحترامي