 |
|
 |
|
الشاعرة هجير
قصيدة بقايا ابيات منسية
حيرة و كانت بقلبي ما هي ب حيرة
من أول الفجر فكري بالوله منساق
و شكثر احبك سؤال ٍ هات لي غيره
من لهفة الصبح هامت عقبك الاشواق
كيف أسأل النور عنك و أنثرك سيره
و كيف أجهل البعد و أسأل اشكثر مشتاق
كثر اشتعال الجوانح سبة الغيرة
حيرة و كانت بقلبي , يعني ما تنطاق
...........
قلبي , ونا اتعبته , ولا انته بداري
و الله و عنّيته , و اتعبت روحي
لملمتها عيوبي , يميني و يساري
تنبش من جروحي عظايم جروحي
كنت اسأل طيوفك بليلي و نهاري
و ارجع بتفكيري و أبيها تروحي
تذبحني اشواقي ,, و تشعلها ناري
طفيّتها بصبري , و لو زاد نوحي
ان كنت لك زيف ٍ فلا هو مساري
وان كنت لك كذب ٍ هدمت الصروحي
ذخرت لك جرح ٍ , و مكنون طاري
و الدمع يوم انه ب همي يبوحي
قلبي ونا اتعبته ولا انته بداري
و الله وعنّيته ,, بصدك يا روحي
...........
والله في بالي , هلا بك يا هبوب المسك ذايب
في قريحة ليل و إلا في أطاريفك هبوبه
ايه يا المذرور فيها بث من نود الاطايب
يا بعد كل الاطايب لجلها البطحا طروبه
لو على هذي الحنايا , زمجرت فيني السوايب
لين هوجاسي تعاقب في خفوق ٍ ما تجوبه
ساعة الفرقا توثم ,, ذارفن في عين غايب
و الوهن وسط المحاني مرّها من دون توبه
كل ما شبيت في صدر العنا ,, حر اللهايب
تشتعل فيني الليالي ,, يوم شق الصبر ثوبه
يعني هذا البعد لو يرقا على متن الصعايب
ما ترك لليل هاجس , لين صار أصغر ذنوبه
...........
سؤالك البارح على بالي يروح و يجيني
الله يعلم ,,, لو سألتيني ,, كثيرة الاماني
نكابد الدنيا و ما فيها ,, بعسر ٍ وليني
ما قّدر أهوال الزمن الا صبور ٍ يعاني
أقول هذا الصبر لو تدري غدالك عويني
للي ذخر لك طيبة الخاطر وله قلب حاني
يا كثر ما يذخر بعض ناسن خداع ٍ دفيني
و يا كثر ما تزهى لك الدنيا على زيف فاني
يا خوف من شي ٍ على قولة ضنيني ضنيني
و يا خوف من شي ٍ على طاري رفيق الزماني
و يا خوف من شي ٍ على قولة يا هزة حنيني
و الكذب في الخافي تعنوا له و ضاعت معاني
يا خوف من شي ٍ توهمته و جر السنيني
هذا الوهم والله على صبرك ترى شي ثاني
أقسى من احساس الهجر غيري و لا حس فيني
وش فايدة حلمن تمنيته ,,, و عافه كياني
|
|
 |
|
 |