السلام عليكم ورحمة الله وبركاته
قصيده أعجبتني.. وإن شاء الله تنال ع إعجابكم..
أترككم مع القصيده.:.
هويت الشعر لجل إني هويت أجمل صفات عيون
وهويت العين لجل إني أقـول أبيـات مجنونـه
تحديت البشر في ها المجال الواسع المـوزون
وحلات الشعر لامنه ظهر في صـدق مضمونـه
ترا بعض البشر لـو تعـدا أبياتهـا المليـون
يجي بعض البشر في بيت يكفي عـن مليونـه
كثير من البشر قالو صحيح إن الفنون إجنـون
ولاكن شفت أنا المجنون يزيد النـاس بفنونـه
وأنا مجنون في ذيك العيون إليا مشت في هـون
يصيح القلـب ياساتـر يبيـح إبكـل مكنونـه
إلى من جيت أبوصف وأبرسم في قصيدي لون
أجَمع عـدة الرسـام وألقـا الرسـم بعيونـه
أنا ماعـذرب الباقـي والله صاحبـي مزيـون
ولاكـن عينـي بعيونـه تراهـا دوم مفتونـه
أشوف إن البشر تستخدم الكشخه تبيهـا عـون
وأشوف إصويحبي محلا عيونه الليوم من دونه
أجل وشلون لاشخص ياناس بـس تكفـون
تلومونـي تـرا يكفـي وقلبـي لاتلومـونـه
عيون إصويحبي أحلا من عيون المها بمليـون
أجل وشلون ما أكتب وأقـول أبيـات مجنونـه