تعالي وقفـي لحظـه ونتفاهـم علـى مافـات=من الجاني من المجني من الي خـان باحبابـه
من اللي سدد الطعنه من اللي ينـزف الاهـات=من الظالم من المظلوم من اللي ينزف اصوابه
من اللي نايمن بالليل ومن اللي ساهرن مابات=ومن اللي يرخي المتنين ومن اللي يزرع انيابه
ومن اللي يحترق شمعه من اللي يحترق ابيات=ومن اللي سطر بدمعه روائع تتحـف اكتابـه
رسم وجه القمر شعري نثر من فوقه البوسات=تعطر جوي الصافـي تلـون صـار يزهابـه
نزفت من الغلى يابنت دمع حزن ودمع ضيقات=يضيق الصدر من همي واشوف الحزن ينحابه
بقا في داخلي ضحكه بليده واخـر الصرخـات=ودمعه من هدب شاعرتمسـك باخـر اهدابـه
تصيح وتنتخي تبكي ..تهيج وترسل اللعنـات=تعبت اعانق الارض السويه واحضن اترابـه
هينا كانت اهازيج الغـلا تترعـرع البسمـات=هينا هفهف نسيم الحب هينا نوخ بنـا ركابـه
هينا نزف الخفوق ودم خفاقي وهامت السجدات=هينا فرشت صلاه و معبد الصاحب ومحرابـه
هينا طهر النوايا ..والمنايا واعذب اللحظـات=غرام الحب وعشق الحب ثمول الحب واعجابه
هينا نصلب عيون الناس هينا نتبادل الهقوات=هقيتك اوركيـد الحـب تلعثـم داخـل اثيابـه
هينا صب الجنون ابداخلي من اروع النفحـات=هينا تمتمت في طلاسم شيطنه جني على كتابه
هينا تتكسر احلام الطفوله ...تنكسر بسكـات=حلم وردي وحلم زهري وحلم متهالك اصوابـه
دخيلك ياوهم حبن تفرعـن داخلـي مامـاات=دخيلك بلل اعذوقـي غمـام الحـب ينسابـه
زرعتك داخلي ورده .. سمت في داخل الغابات=غمامي في عروق القلب وريدي والصدر غابه
هينا يابنت في لحظه وقفنا ...نهمس ابئنصات=عيوني اتحاكي اعيونه وهدب ايحاكي اهدابـه
نظرته والغلى يخفق يزيد ويسـرع الخفقـات=ولا وصّلت في حبه سوى اني اقـرب احبابـه