بعض القرايب لدغته لدغت الداب
منين ماهب الهوى جاك ساحب
لسانه على متنه تقل فاس حطاب
أن أشهد انه عايبن أبن عايب
وبعض القرايب ينفعك عند الاجناب
تقضيبه الحاجات لوكان غايب
وبعض القرايب ودك بشلعت الناب
سمه على ربعه وهرجه مصايب
وبعض القرايب حطه بضمن الأقراب
يسندك ياهبت عليك الهبايب
وبعض القرايب انطاب لحظه فلا طاب
أذا فزعلك يوم يجلس يعاتب
وبعض القرايب ودك انه على الباب
لو تطلب خوض البحر صار قارب
وبعض القرايب يخطي بحقك وتاب
وهو داخله منتوج سم العقارب
وبعض القرايب مثل عينك والأهداب
يحجر عنها الضاره والشوايب
يابن محيجين المسأله ماهي أنساب
كم اجنبين شفت منه العجايب
في غربتي غربلت خلان وأصحاب
ولاطاح من عيني من الربع شايب
ماأقولك يمكن هفت بعض الاشناب
وسجلتهم من ضمن شقر الذوايب
هيضتني وأنا على الشعر ماهاب
صدري من القيفان ناره لاهايب
# حمد _العودة #