مقدر على فرقـاك كانـك تقدريـن=وامفـارق الغاليـن ماهـي هيّنـه
اشغلت بالي في تجين ..! او ماتجين=واوقات مـرّت بـي ولا لـك بيّنـه
مبعدْك ظرفك ..! مدري انتي تبعدين=بس الوكـاد الخيـر مانـي معيّنـه
هذا انا من البعـد شوفينـي حزيـن=رغـم .. ان اغصـان قلبـي ليّنـه
اسلا .. وياخذني على ذكرك حنيـن=واذكرك يـوم انّـك علـي حنيّنـه
يوم انّنا بشاطي المحبـه مبحريـن=دنيـاي كانـت باللقـا .. متزيّنـه
ماقول غير الله علـى بُعـدك يعيـن=والصبـر طبـع ٍ للنفـوس الديّنـه
صابر ..! عسى قلبك يحن وترجعين=والا الغلا بالقلـب .. باقـي مكيّنـه