عديت رجمٍ جنوب لقمّـة الصايـره = سبّة وليفٍ فيه انـا مغـرم وهـاوي
أجر صوتي وأهيجن والعبر ثايـره = على خليلي اللـي باالغنـج مايـاوي
الحب تاجر .. واللقى أجرة عمايـره = مااحلى من اللقى دامن حبنـا حـاوي
يااغلى ويا أجمل من سكن بالدايـره= محلّه (البؤبؤ) حشى ماهـو نحـاوي
مسكنه دارٍ شمال وباالكـرم سايـره = ماهو من اهالي جـدة ولا شرقـاوي
لعبّي الشوق وانا قمت ابـي اسايـره = وعجزت اقاوم غلاه ولاني بقـاوي
هنيت منهو حجز وركب باالطايـره = متوجّهه للشمـال والخـط متسـاوي
ابي اقابل حبيبي اللـي بـه فايـره = عروق دمي اللي من حرّهـا كـاوي
عشان ينظر عشيره وحالته صايـره = كسيره وهو وحيـدٍ مالـه مخـاوي
ارحم لي حالي وانظر همومي الغايره = اجتاحتني واحتلت قلبـي المتـلاوي
جاملني تعال جدد الشجـون البايـره = مالي بغيرك طبيب وطـبٍ مـداوي
صرت اتمناك منوة عيني الحايـره = كنك بطولة .. وانا النادي النصراوي
مدري قدر وإلا هـي سنينناالجايـره = تغربني وتبعدك عني يااغلى المناوي
الحب دهورنـي ودفننـي خسايـره = ماهو بكيفي هاذي هي حال الهواوي
تدري وش اللي خلاني أزبن الصايره = سبّتك يلي عليـك الدمـع متهـاوي