قــــصيدة أعجبتني ,,وعـــساها تعجبكم ..
.
.
ما والله اندم عليك و خلــّـك بهجرك
000 ما يــِـحزن العين خل ٍ .. راح هاجرها
مليت اقدّر و احسبك .. خابر ٍ قدرك
000 و كم غلطة ٍ منـك ْ اعدّيــها و ابرّرها
قدرتك و رحت .. قلــّـي كيف ابا اعذرك
000 مانيب مكلوف انا بالناس .. اقدّرها
و لا تقول ربي رزقك ان ضقت .. في شعرك
000 لن ّ القصايد تزيد اهموم .. شاعرها
و الا انت مترف .. رغيد العيش و آخبرك
000 ما ناشتك سود الاقدار .. و مخاطرها
مهموم من دنيتك ..؟؟؟ .. بالله كم عمرك ..!!
000 ودي اشوف أوّل .. همومك .. و آخرها
لا شفت منـّـي غلط .. تشكي كثر صبرك
000 ما كن ّ .. راحت سنيني معك ْ .. صابرها
كل شي اعدّيــه حتى كذبك و غدرك
000 و النفس والله تعاف الغدر و اجبرها
النفس ضاقت ترى ماهي على خبرك
000 و الا يا نفسي وسيــــــــــعه و انت خابرها
ما عاد لي قلب .. لجل ايذووب من جمرك
000 و العين ماني بهجرانك .. مشاورها
غلطه و كني بسببها صاير ٍ .. مشرك
000 مبسوط فيها و احســّـك كنت ناطرها
هذا هي جت لك من الله .. حطها بصدرك
000 و ماني موصيك فيها ... لا تمرّرها
مابي لك افضال و شكر الله و لا شكرك
000 باتحمـّـل اللي يجيني .. لو تكبــّـرها
وبذكـّـرك لا جنيت الضيق من كــِـبرك
000 و الوحده اسوء .. ترى ممـّـا تصوّرها
ترى الليالي يكيدن .. و انت ما تدرك
000 كم ليلة ٍ في غيابك .. كنت ساهرها
فان زاد حــِـمل الجمل .. عن قدرته ..يبرك
000 و اتبيــّـن اعيوب الارض بعين طايرها
يا قلب و انت العنا .. خاواك .. من صغرك
000 هــد ّ الغرااابيل .. من صدري و حرّرها
مدام عيبك .. صفاك .. و طيبك .. و طهرك
000 لا تدخل بمعركه .. دام انت خاسرها
خل الهوى كلمة ٍ .. متصدّره شطرك
000 و خل المحبـّـه لاهلها .. لا تخاشرها
و دام الهوى فالنهايه .. هو سبب كسرك
000 قل للغضي كلمة ٍ .. فالبال ذاخرها
فالحب .. لا تتبع اللي ماعرف قدرك
000 و الناس ما تنشد اللي ما يعبــّـرها
و لا تشبــر الدرب في شبر ٍ مهب شبرك
000 و الناس بافعالها .. تكشف سرايرها
و ريـّـح ضميرك و ريـّـح قلبك و فكرك
000 لا يخدعك فالبشر .. طيــبة مظاهرها
محد ٍ مخاشرك لو بتموت .. في قبرك
000 و الناس لجل الردى ,, باعت ضمايرها
.
لــ الــشاعـر / مـحمد الغنام ...