عرض مشاركة واحدة
قديم 14-11-2021, 08:16 PM   #1
معلومات العضو
alshemailat
 
الصورة الرمزية الشميلاني
 
إحصائية الترشيح

عدد النقاط : 10
الشميلاني is on a distinguished road

افتراضي محاوره شعريه مميزه

‏21-06-2019, 11:30 p
يااهل العقول الراجحة ويش الاسباب
‏انتم يجيكم شي نوبٍ يجيني‏
‏انزل من الموتر ولااسكّر الباب
‏وادوّر الحاجة وهي في يديني
نايف اباالعون
…………..
ابشرّك يا نايف بكثر الاصحاب
‏ماهيب كلمة راس بينك وبيني‏
‏نظارتي من يوم ما عارضي شاب
‏احيان ادوّرها وهي فوق عيني
سداح
…..
لاتشكي لنا الحال ياعز الاصحاب
وشلون لوتدري باللي يجيني
وش تقول بالواقف على الباب
مدري اناطالع اومع الداخليني
انور الرويلي
………..
انا اشهد يا نايف ان منت كذاب
وأنك تقول الصدق لسامعيني
ياليتني يانايف باقين شاب
والعمر من العشرين ولا دويني
ابوفيصل
………
الوضع مزري وكل شي له اسباب
متكركبه دنياك والله يعيني
كم راح بالدنيا عزيزين واصحاب
وخلو لنا الاهات هن والونيني
مدري اسد الباب ولا افتح الباب
وضيعت قغل الباب وهو في يديني
محمود دلي ابو هايل14 _ 11 _ 2021
……..
ياصاحبي كان الوفا يفتح. الباب
خل. الوفا. يدخل. وربك .يعيني
كانه على الحسرات يشد الاطناب
خله ...مسكر ..والمواقف.. تزيني
رحيل الجديع ابو نايف14 _ 11 _ 2021
……….

 

 

 

 


 لا الله الا انت سبحانك انى كنت من الظالمين

صورة توقيعك الأصلية

الشميلاني غير متواجد حالياً   رد مع اقتباس