يافوح قلبي فوح قدر القشاشي *
غدت صبوره سود من كثر الاوحاش
على عشيرن مرنا العصر ماشي *
علق صوابه بي وماكن سوى آش
ماهو بعفرين خسيسن يحاشي **
ريمن يعاند مايداني لحواش
ابيض عفر مادش جلده غشاشي **
مثل القمر لابان مادونه رشاش
ياليتني ماجيت للجو ماشي **
ولاشفت انا غض النهد لابس الشاش
حلو الذهب في منحره بارتهاشي **
لاكن ينطحني مع الدرب هواش
والله لا حارب لابتي بالنماشي **
وان طاوعت بي لابتي كل محراش
واركب على من يبعدن المماشي **
وانحاش بك ياداعج العين بدشاش
ونيت ونت من وقع بالمداشي **
وصكت عليه القوم وماقدر ينحاش
كسير عظم الساق غادن طشاشي **
يحول توحي لاسفل الرجل خشخاش
يارميح مامرك مع الورد حاشي **
وقم الرباع اليوم بخدوده رقاش
وصفه ثلاث رسوم ماغيرها شي **
غير الوسوم البينه ماعليهاش
يالايمي عله عل الرجل ماشي **
متعرضن صوانتن لاما ولاش
والا عسى يقعد بسوق النواشي **
ولاله بعارينن تشيله عن الطاش
انقز واموت ان ماحصل لي ولا شي **
دغلوب خبر ناشفن ميها ناش
امص ريجه مص دسم المشاشي **
لابوك يامن لمتني لابو قطاش
الشاعر دلول المضياني الجميلي رحمه الله