شاهين مات ولا درى لموت شاهين* = ماغير حسّاده وربعه وجاره
عاش الحياة ولاسأل زين من شين=ياخذ ويعطي والجسارة شطارة
مقرود ، متشرد ، مغامر ومسكين=لكن حياته كل ابوها اثارة
مديون ، داين ، عاشها دين في دين= والالعن انه ما يوفر سجارة
شاهين غاب وكلنا اليوم ناسين=من قبل لا نذكر شقاه وسمارة
مثله يغيب ولا لمثله عناوين=ولا يجي بمثله مجرد عبارة
يعني مجرد سطر ماله موازين=لا عاش في ثقله ولا في وقاره
نبقى برغم اعذارنا ناس قاسين = وتبقى مواقفنا مجرد نعارة
حلفت انا لـ ابكيه لو عيّت العين=وحلفت انا لـ ارثيه غل وجهارة

* شاهين : شخص جريء وبسيط ، عاش متسولاً موائد الجميع ، مات فَـلم يحضر عزاءه أحد ، حتى أنا .