اروع الابوذيات اتمنى يعجبكم
===============
واذا جتفها بيدك انتة حلها
وروحي تحب عشرتك وانتة حلها
لغز صارت محبتك وانتة حلها
دحلها بساع حتى تصير الية
===============
ونصير احباب منك وانتة منا
وامل ماعدنا صدك وانتة املنا
شكد نحلم بشوفك ونتمنة
شجاك وبالوصل تكطع علية
===============
و احنا الما كطعنا بيوم وصلك
لان شخصك نعرفة منين واصلك
صيامك مايفيدك بعد وصلاك
لان دم بركبتك ظل الية
================
لاون ناسي الكتلني والدفني
وخذت بالعشك فني ودي فني
لون تدري انا شودي ودي افني
ديار اهلك هذيج العلوطية
===============
و أكلهم حكي اريدنه و ثاري
لأن يمكم لكوا جثتي و ثاري
أبنكم هو كاتلني و ثاري
دفني و ما يريد يدلي بية
===============
لأن جفوفة بس الهم و ادلي
و مليته بحزن فنجاني و دلي
بعد ما اعلم بجرحي و ادلي
لأن ياهي الأعلمه يلجمه لية
================
و اكول للجرح يمعود و اكشفه
و صديجك روزه بالمحنة و أكشفه
الحبيب الجرح ما اشوفه و اكشفه
لأن يحسبهة نقطة ضعف بية
================
و انا الما بينت نقطة ضعف له
و حبي ابكلبي لو يدري ضعف له
الجسم بجفاه يمدلل ضعف له
و صفيت بمجهر يدور علية |