يــــاطــــاهــــرة
يا بنت أنا ماني كذا وظنونـك تكّـذب عليـك
كلّي عيوب وماقوت تخجلني ظنونـك وأتـوب
أكذب عليك ودوم أخونك وألبس الأبيض وأجيك
وأعشق معك ألفين وجه ويمتلي صدري قلـوب
أحلى الكلام أقول لك لـو قلتـه البـارح لذيـك
ياقف على شفاهي معك مراهقِِ صـبِ لعـوب
أكذب ولا أدري ليه أكذب أعشقك مـا أرتجيـك
أخاف من صدق الحقيقة في الهروب من الهروب
والله أحبك وأعشقك وأعرف زمان انـي أبيـك
لكنهـا هـذي الحيـاة اتعلمـت منـا الذنـوب
العين عجزت تعتقـك القلـب عيّـى يشتريـك
في السجن خيّال وفي في الصدر رجّال كـذوب
هذي الحقيقة ما يجي في الكون أطهر من يديـك
وانا الذي أنقض وضوء الغيم والمـا والهبـوب
أنقل عيوبي فوق متني وانت لك عيبك شريـك
وباكر تبسم لـي وجيـه لـك يعبسهاالشحـوب
يا طاهره حنـا كـذا المظهـر يكـذب عليـك
يمكن يجي يوم أخجـل مـن ظنونـك وأتـوب
::