سـجـد قلبي على رمل الضلوع وهزه التنهـيــد *وأنا في جوفي خيام النـدم والخوف منصوبـــه
يارب ابعــد هلاكي والمنايا والدروب بعـــيــــد* ما دام أن النهايـه للتراب وخـافـي دروبـــه
يا غيّاث الظوامي والثمــام وجرهـدي البــيــد* أعذني من جهنم والحـشر والمــوت وكروبــه
أنا ما نيب لا مــشـرك ولا فاســق ولا عربيـــد* أنا اللي لا عصى وأخطأ تجهـم وأقلقه ثوبـــه
أنا اللي يرتجف مثل ارتجاف الخايف الرعديــد* إذا شاف القـبـور الضيقـات وحــس بذنوبـه
أنا عبدك ولد عبــدك وجـدّاني هــل التوحــيــد* خطاياي أخجـلـتـني يالله الغـفـران والتـوبـه
أنا الإنسان حمّال النقايـض والكــمـد والكــيــد* غريق النفس واللذات من راســه لعـرقــوبــه
أنا عبدك يا ربي وأنت تفعــل ما تشاء وتريـد* سألتك يالله العـفــو العظـيــم وهــيّــن دروبــه