..بأكتب قصتي وأحكي مآسي كلها مرة
على صدر الورق بأكتب وجع آخر معاناتي
بأنبش قبري الصامت و أعلن للملا بسره
بأظهر خافي يا ما خنق بالروح فرحاتي
بحور لعبرة عاشت بوسط الجوف محتكره
بصدري كم علي ضاقت بعز الليل عبراتي
بداية قصتي مولد لفا لي حامل
فجره
ونسمة صبح فتانه تداعب حلو نسماتي
بديت أحلم بديت أجمع لعب وأنظر يجي بكره
بديت أنظر لقدامي ولا أدري وين نظراتي
ملكت الفرح بيدي شربته قطره بقطره
تخلل في شراييني سكن بآخر محطاتي
يمر العمر بي يجري يعطيني الفرح ظهره
عزمني للأسى وشوه بلون الليل لوحاتي
شعرت إن الزمن قاسي دروبي كلها خطره
شعرت برجفة ضلوعي تهد الحيل رجفاتي
عرفت الناس ماترحم قلوب جوفها صخره
عرفت أبكي عرفت أحزن وزاد الليل وناتي
بكيت من الأسى حتى فقدت الحس والنظره
نسيت أن مولدي غلطه كبيره في ملفاتي
حنين الأمس تكسر بي وغير رايحة عطره
تبعثر جرحه بقلبي مزج بالحزن بسماتي
قدرت أنبش من الماضي مآسي كلها مرة
قدرت أكتب ولكني عجزت أنهي معاناتي
..