قلبي له اليوم .. ثالـث يـوم موجعنـي
وعيني لها اليوم ثالث .. تجمع طيوفـك
والبـال كنّـه علـى دربـك يوزعنـي
ولسانـي ماكنـه الا خلـق لحـروفـك
لاالنـوم نافـع .. ولا التفكيـر نافعنـي
انام واصحى على الباقي مـن وصوفـك
بالله قلي .. شعوري هذا وش يعنـي !؟
طمنّـي .. الله يطمـن همّـك وخوفـك
بيني وبينك .. ترى اللي صدق ضيعنـي
ان انت في اخر لقا .. شارح لي ظروفك
مدري وش اقول .. لكن تدري .. اسمعني
خابرك وافي .. و أبيـك تتـم معروفـك
ان كنـت نـاوي تسافـر .. لاتودّعنـي
بس انتبه .. لا تسافـر قبـل مااشوفـك