*قم يانديبي بلغ الخل مرسال
قله ترا حالي فراقه سلبها
*قله على وده لو البعد به طال
العين لأجل رضاه تنسى عتبها
*قله يجي ويبدل الحال فالحال
يجي يشوف ذنوبه اللي كسبها
*قله يحن لصاحبه بس بوصال
فله تعال وفرحة الشوق جبها
*قله ترى ماغاب ذكره عن البال
لذة عيوني في منامي غلبها
*سيطرعلي مناه في كل الأحوال
حسبه ويغلبني إليااا من حسبها
*قله يجي ولعلة القلب يحتال
نفس_ن تحبه ليه يرفض طلبها
*ليه الغلا والحب بدله بأهمال
يصد عن روح"ن"غرامه جذبها
*قله غديت حطام وخسرت الآمال
والموت نفســي طاولت في تعبها
*قله تراي من العنى شلت غربال
الروح ثارت عقب ماأبدت غضبها
*قله تراني شفت لوعات وأهوال
تحطمت دنياااااي وأصبح سببها
*شربت مرالبعد حسره وولوال
فرقاااااه ترميني بحامي شهبها
*قله يرجع ماضي_ن بالعنى طال
يعطف على أشواق"ن"علينا كتبها
*قله ترى جفواه تذبح وتغتال
تمطرسمومه والشقـــاوي شربها
*أرخا_ حبال وشد بفراقه حبال
بين الرجا والياس روحي سحبها
*تراه بالشدات تعذيبه هبـــااال
زلـــزال لوعاته حياتي قلبها
*نيرآنه بقاصي الحشى تشعل أشعال
مستوقد بين المحـــاااني لهبها
*يصب لي من عاقد المـــرفنجال
أشرب فناجيله وهو ماشربها
*قم يانديبي _وأقطع قفار وجبال
قله يخاف الله بنفس"ن"نكبها
*رح يانديبي بلغه بس مرسال
قــــله ترى حالي فراقــه سلبها
وسلامتكم
دانة القصيد