مات الكلام ولابقـى شـي ينقـال......وماتت احروفي ماتعـدت شفاتـي
كل الاحلام الماضيه صارت اطلال......بالله قلـى كيـف بجمـع شتاتـي
احس كني فـارس ٍ خانـه الفـال.....واحس حولى من تمنـى مماتـي
واحس باشياء إتخيل علـى البـال......أحزان لوني محرمه في صلاتـي
لا قلت عـدت لا تغيـر ولا زال......نفس العذاب ونفس حتـى عداتـي
احترت من كثـر الاوادم والازوال.......واحترت حتى يفرحو فى شماتـي
لذا تحملت المصايـب والاهـوال.......وكتمتها ما بيـن نفسـي و ذاتـي
ادري تهد الحيل وحمولهـا اثقـال.......لكنها ارحم مـن تزعـزع ثباتـي
وقفت فى وجه الزمن والزمن مال........ونقض اجروحن بالحشى مسملاتي
فيني براءة طفل مع هيبة ارجـال......وفيني امومه تستكن فـى حشاتـى
العيب فى وقتي على كل ألاحوال.......ولا انا صعبـه تحصـل صفاتـي
ماهو غرور ولا تغطرس ولا هبال......شموخ لو هو راس مالـى عباتـي