تعطينـي الـود وإلا تأخـذه منـي
=يبلغـك قلبـي المقـفـي تحيـاتـه
اليوم يا صاحبي رد الخبـر عنـي
=ما يرخص الغالي إلا كثر غلطاتـه
ادعي شفوفٍ تجيب أرضاك ما جني
=شاحت عن الغالي اللي شفت زلاته
حمامة الحب فـوق النايفـه غنـي
=في وادي تطرب الأسمـاع جراتـه
قصايدي يومة مات الحـب ينعنـي
=في مقبل الوقت يالغالـي سلاماتـه
ياللي برمح الغلا تسطـي وتطعنـي
=وأنا معك خافقي محبـوس غاياتـه
تبي الحقيقة عظيم الشوق ما أوهني
=اليوم ساوت حسان الحـب سياتـه
أببتعد عنك قدر اليـوم مـا أمكنـي
=ما هوب عيب يعاف القلب مشهاتـه
بغيت عنـك العـزا مـره وردنـي
=مشاعـر نصرهـا يلفـح براياتـه
العـام وإلا يجـن اليـوم ينهـنـي
=عن حبك اللي جروحي من نهاياتـه
لك ذكريـاتٍ جميلـة يـوم مرنـي
=ما وسعت خاطر تسعى لمرضاتـه