جا يشوف الحال كيفه بعد ماهزه حنينه......قبل يسألني سألته كيف حالك يا الحبيب
قال أنا كني غريب ضيع دروب المدينه.........قلت أنا كني مدينه تنتظر رجعة غريب
قال أجل وش فيك تلعن سيرة الحب وسنينه.......قلت أجل وشلون ملعن سيرته دامك تغيب
إنت لامن غبت حتى مرايتك صارت حزينه.......كيف ماتبغاني أحزن وإنت لي مثل النصيب
الهدايا والرسايل والمكاتيب الثمينه........الليالي والقمر والريح والكون الرحيب
كل ماتبعد تجيب الشعر ليه من يدينه......وتقعد جروحي تودي فالمتاهات وتجيب
يابعد كل القصيد ونزوة حداة وانينه.......لاذكرتك لاح بيت وطاح ورد وفاح طيب
وإن نسيتك مانساني صوتك المبحوح لينه.....ياخذ لجرحي بثاره من خطاياك ويطيب
وبعد هذا جاي ترمي ذنبك بوجه المدينه...مادريت إن المدينه كلها شمعه غريب