هاتي همومك حمّليني أبيها
أبغى أشيل الهم والهم ينشال
أبغى أكون بدنيتك مهتويها
هاتي يدينك وانسي القيل والقال
إنتي حياتي .. لا .. حياتي مابيها
إلا وإنتي بوسطها في كل الاحوال
يابنت هاتي دمعتك أحتريها
أستغفر الله دمعتك (للوضو) ازلال
وان كان قصدك دنيتك إتركيها
خليني اسرح في سما الحب واختال
يالله تعالي وبسمتك إفرديها
إما نفعتك والا مانيب رجال
وكل الهموم السابقه أنكريها
واعترفي بشي ٍ وحيد ٍ لك لحال
بمسح دموعك ضيقتك إرفعيها
وجازي ليال الظلم والظلم باهمال