قال عود حداه الكبـر والمشيـب
وانحنى مثل قوس يتالـي عصـاه
راح ماله وحالـه ولا بـه مزيـد
وان ومر من عياله صغير عصـاه
يوم عنده حـلال وقولـه يطـاع
يركض الكل منهـم بـزاده ومـاه
الرجـل كلمـا قـل مالـه يعـاف
وان عمى بالكبر عمس رايه وباه
انكروا ما مضى وجحدوه الجميـل
يوم حقه ورد واكمـل اللـي وراه
يا مجلي تسمـع نبـا مـن فهيـم
وافي با صغره قاصـرات عضـاه
عارف باخص في جميـع الامـور
ان غدا الراي عن دايرينـه لقـاه
لا تناسـب بخيـل كثيـر الحـلال
مهنته كـل يـوم يقيـس عشـاه
ناسب الي يرحب الى جـو جيـاع
والتبسـم بسنـه مـن اول قـراه
ولا تلين جنابك لمن هـو ضديـد
أو عـدو يداهـن بقلبـه بــلاه
والحريب انحره قبل يقبـل عليـك
وان تنيته يزورك بـدارك تـراه
معلق مخلبه والطمع بـك يصيـر
اضربه غـارة ليـن تقلـع مـداه
من جبن عن عدوه يسلـط عليـه
البخـل والجبـن للمعـادي منـاه
كل من داس ضده وغورب عليـه
اخذ بها مـدة مـا تمثنـى حمـاه
والصديق اعرفه واذخره للمضيق
ذب عنه بوجهـه وتحمـى قفـاه
والمره ضمهـا لا عرفـت امهـا
ثم صن عرضها لا يغـرب حيـاه
والبدوي ان عطيته تسلط عليـك
قال ذا خايف مـار بالـك عطـاه
ان ولـى ظالـم مفسـد للكـمـام
وان ظلم زان طبعه وساق الزكـاه
مثل كلب لا رمـي فهـو يـروح
وان رمي له بعظم تبع من رمـاه
حاكـم ياكلونـه ومنهـم يخـاف
من رخاميتـه مـا هنيـن ثـواه
وحاكـم داواهـم بفعـل يشـاف
كلما خالفـوا لحـق فيهـم منـاه
كل يوم عليهـم صبـاح شـرور
غير ذبح اللحى عزل بوش وشـاه
مثل وصف الحبارى تعرف الطيور
يوم جا حاذق موثب مـن سمـاه
نادر الحر يدعى عضاهـا لهـوم
والتبع تطرده مرشة مـن خـراه
هيه يا راكب فـوق حمـرا ردوم
من خيار النضا طبعها مـا احـلاه
عيبها زورها ما ينوش العضـود
خفها سالم ما رقـع عـن حفـاه
يا نديبي علـى كورهـا تستريـح
فرجتـك ساعتيـن بحفـظ الالـه
من بلاد القصب سر وتلفي شريق
ديـرة بالوشـم قابلتهـا مــراه
ديرة للعزاعيظـز سقـم الحريـب
علها الله بوسـم وصيـف قفـاه
عمهم يـا نديبـي سـلام جميـع
عد ما هـل وبـل وهبـت هـواه
قل لهم شوري اللي مضى من قديم
بالهـم يخلفونـه يجيهـم قضـاه
احربوا واضربوا دون حدب الجريد
واذكروا قول حاتم ولا شيء سواه
موتكـم بالبواتـر لكـم كبركـار
وموتكـم بالتوجـع عليكـم زراه
من ذبح دون ماله وحالـه شهيـد
ومن حيا باللسعاده فله كبـر جـاه
لا تحسبون من ذل عمره يطـول
فان ذا الموت لا بدكم مـن لقـاه
جدكـم رخمـه ماكـر للطـيـور
لهس العنقري كل حـلاوي نمـاه
واظهر الله عيالـه وسبـب لهـم
شور عـود فهيـم قليـل خطـاه
افطموا من فطم ديـد مـن قبلكـم
فطمة الورع عن ديده اللي غـذاه
يا .. قوت لو كلتيه هبيد وخرطـه
احـد يتعـرق للخصـاب تــراه
لعـل مكـس حـاش لـك قـراده
حصـاة قـفـان تــدق جـبـاه
وقـت الرخـا تـيـس مسلـفـع
وان جـت الشـدات لقـاك قفـاه
حرف الهااااااااااااااء