أخي الرائع عديم العديمي
اشكرك على روعة نقلك لهذه القصيده وقصتها وهذا يدل على روعة
ما تقدمه هنا من المميز والراقي وهذا ليس غريب عليك ... فأنت
الأبداع والنبع العذب الذي يطفي ضمئنا لكل ما هو قيم ومفيد وهذه
القصيده حسب معرفتي لشاعر خالدي ...والدليل هو رد الشاعر المعروف
((ماجد الزيد الخالدي)) على القصيده ((لا تنثرين الدمع ))
وقصة القصيده واحد تزوجت اخته
وكان متعود على ضحكتها وفرفشتها
وخفة دمها بعد ماتزوجت اخته وراحت
مع زوجها اخوها سافر واتصل عليها بعد
فترة ولاحظ اخته ماتضحك كأنها حزينة
وصوتها مو طبيعي وكل ما يسألها وش
فيك تقوله مافي شي عرف ان زوج اخته
يهين اخته ويسيئ معاملتها كتب هذي القصيدة
7
7
7
اســــــــمع من هنا
وهذا رد للشاعر المبدع ماجد الزيدالخالدي على قصيدة لاتنثرين الدمع بعنوان (حيزا حيزا )
يالخالـدي لـبـت اســودن تلبـيـك
لبـيـه يالبـيـه لـبـيـه تـخــرع
لبو لـك الـي كـل ابوهـم عزاويـك
مـن الحسـاء للجـوف لجبـال المـع
يوم انتخيـت الحيـز تبشـر هقاويـك
الحيز منهـا المـوت المـوت يجـزع
ياحي صوت(ن)لاجل راعيـه نعطيـك
روس الرجال الي على المتـن تجـدع
حيـزا حـيـزا لابلغتـنـي ملبـيـك
تقشع اسود(ن)لاقشعـت كـود تمـزع
والي خلق سبع(ن)ونا الذيـب لاجيـك
الفيـن فيلـق تحـت اياديـك تجمـع
ابشر بعـزك كـل ابونـا بنـي خيـك
يـاوالله ان الارض لرضـاك تشـبـع
ياراعـي الحيـزا سلامـة منـاديـك
ابشر بعزك لـو تبـي الحكـم يرجـع
عطني الهدف والي رفع سبع لارضيـك
والله ثــــم والله والله لافــــزع
لافـزع كمـا ليث(ن)والايـام تنبيـك
لاوالله ان الــدم لاطــش تسـمـع
تسمع عـن ليوث(ن)تـدوس لمهاليـك
تاطى الضرر اسرع من الطرف واسرع
تاطى علـى صفحـة جبين(ن)يعاديـك
مـن هولنـا يرتـج ثهـلان يـربـع
سلامة الـي كـل ابوهـم بنـي خيـك
زحول واطين(ن)علـى خشـم خفـرع
سلامة الـي كـل ابوهـم بنـي خيـك
عز الله ان المـوت لرضـاك مطمـع
سلامة الـي كـل ابوهـم بنـي خيـك
والله تقص ارقـاب مـن شـان مدمـع
اشكرك اخي عديم العديمي على حرصك على حفظ حقوق الشعراء والكتاب وهذا ماتعودناه منكــ
من خلال توضيحك المقدم في بداية موضوعك وهذا شيء من الرقي والتميز يضاف الى نبل ورقي اخلاقك
حفظك الله لنا وادام تواجدك الطيب والمفيد اخيك // بدر الشمال
|
|