خالد الزبينه
مشكوووووووور اخووووووووي الكريم
على هذا الطرح الجميل والطيب من
لدنك واود ان اصف شيئا من الطيب
في هذه الابيات واللتي للاسف اني
لا اعرف قائلها وشاعرها واعذرووني
اتمنى ان تنال اعجابكم واستحسانكم
الطـــيب فرصه والجمـــايل توافيق
من لا توفق ما كـــتب له جمـــــاله
ومن لا رقى لطيب روس الشواهيق
ما زان له وقته على مــــا بدالـــــه
وما دام لفعول الجمـــــايل عشاشيق
كسب الجمـــــــايل مايجي بسهـــــاله
ولو انــــها تشرب مـــــع فكت الريق
كلأ خذالــــه كـــل مصـبح بيـــالــــه
والطيب منوه للقـــــلوب المشــــافيق
كلاً يتـوق ومــنوته راس مـــــالـــه
والمدح ما يزها على الرجــل ويليق
الا لاصارت وافيــــات خصـــــــاله
يســـــــــتاهله رجل يفك المــــزانيق
اللي يقـــــــال ونعم لا جا مجــــــاله
ومن ساقته نفسه وهو ما بعد سيق
لأجـــل الجـــمـــيل يزين الله فالــــه
والمرجـــله مـــاهي بتحتاج تنســيق
من بين قـــــلب اللي عشقها وبـــاله
ومن عادة الدنيا تخـــــون المــواثيق
تفر مكرتـــها ســــوات المحــــاله
ولولا اللوازم مـــــا عرفنا المخاليق
ما نعرف الرجــال لين انعنــــالـــــه
والكفؤ تظهــــر فزعته حزة الضـيق
وينشــــاف في الشده بعين العـــداله
نسل الرجـــــال معتبين المـــلاحيق
متوســـــط مــا بين عمه وخــــــــاله
واللي يطيق ولا بغى قــال ما طيق
تحرم عليه المــــرجله والشكــــاله
والهينه تكــبر على اللاش والهـــيق
له في الرخا قاله وفي الضيق قاله
والطيب شاره والظماير صــناديق
واللاش طيبه مـــا تعــــدى ظلاله
و أنا أسبر قلوب الرجال المغاليق
والصــــامت أقطع غايته من مقاله
ومــا دام في الدنيا رجال مطاليق
نصيتهم واللا ش مالي ومالــــــه