عطني ياهاب الريح من وقتك شوي===واسمع كلامي كان مابه كلوفه
سخرجهودك في رضاالواحد الحي===والفرض لاتغفل من اول صفوفه
لاتمنع الناصح الياقال ياخي ===خذ مايفيدك وزايد الهرج خله
لاتطرد المقفي ولاتشاور العي=== قدام ياكلك الندم والحسوفه
ترى حكيم الشور ياخذ ويعطي === نفسه من الراي الادنى عيوفه
لاتقرب الشبهه ولاتخاوي السي=== عليك باللي طيبات وصوفه
من رافق الطيب شرب صافي المي===ومن رافق الهافي جفاالماكفوفه
ولاتنكر المعروف لونه شوي===ومن قدم المعروف رد معروفه
ودمح خطا الطيب لاصارمخطي === واقبل معاذيره وقدر ظروفه
ولاتنهر المحتاج لاجاك مبلي ===خسارة في فعل خير مخلوفه
وطلق حجاجك لااقبل الخاطر وحي===بشاشة الطيب كرامة ضيوفه
ترى الكريم معان بالخيرمرهي ===ومن يترك الماجوب جعله ذلوفه
لاتقطع الرفقه لوحبلها لي===حبل الرفق من يقطعه بان خوفه
رجل بلا ربعه من الناس مجفي=== لابد صكات اليالي تحوفه
والي بعينه مايشوف البشر شي===ترى البشر بعيونهاماتشوفه
ومن عوده حظه على باردالفي=== لابدلفحات السمايم تلوفه
ومن ساقته نفسه على سكت الغي===صعب عليه لياتمادى نكوفه
ترى اليالي تطوي ايامنا طي===ياالله بحسن الخاتمه والمروفه
رحيل جديع