كل مانظـرت بصورتـك تدمـع العيـن
واخاف يحجب دمعهـا شـوف عينـي
وامسح بكمي دمعتي وانظـرك زيـن
وارجع على ماكنت واصفـق يدينـي
وينك عن عيون الشقاوي من سنين
يالعـنـبـو مـجـنــاك تــــوك تـجـيـنـي
ليه القدر جابك وبالذات هالحين ..؟
كـــن الـلـيـالـي قـصـدهــا تبتـلـيـنـي
يامالـكـه ، نـقـوة صـفـات المزايـيـن
يامحـركـة عـقـب الـركــاده حنـيـنـي
يامعيـشـه مغلـيـك عيـشـة مجـانـيـن
يامرجعه عقلـي علـى أجمـل سنينـي
يا مفجرة فـي وسـط جوفـي براكيـن
يـا مبيحـه مــن دون غـيـرك كنيـنـي
ياحارمتنـي نــوم عيـنـي وبعـديـن ؟
وش تاليتـهـا طـالـبـك علمـيـنـي ..؟
العيـد قــرب يامـنـى الــروح تكفـيـن
وشلـون ابفـرح فيـه لـو مـا تجيـنـي
الشاعر : موسى المشعان