لاتناديني وكل شـي انتهـى مـن دون سبـه
سٌمـح الله الـدروب و عٌــوض الله العـلاقـه
رح فمان الله واذكرنـي بخيـر وشـوف غبـه
في بحر عمر ٍ طريقه غامض .. ويوحش مساقـه
لاترجاني خلاص ودمـع عينـك لاتكبـه
لاترجى رجعتي وتقول لـو حتـى صداقـه ؟
مستحيل إنا نكـون لبعـض أو نرجـع أحبـه
من يفرط في رواقي مـا اتمسٌـك فـي رواقـه
وش يفيد الدمـع قلـي لواحـد ٍ ماخـاف ربـه
الدمـوع الصادقـه بالقلـب مـاهـي بالطفـاقـه
مخطي ٍ من هو يحسب ان الغـلا رجـم ٍ يذبـه
و القلوب البيض طيبتهـا مـع العالـم حماقـه
كانـت ايـام الهـوى شـوق وسعـاده مستتبـه
كنت احبـك واتعـذب واشفـق لشوفـك شفاقـه
كنت هايم وانت لٌـوك زدت بالتعذيـب حبـه
كان شفت القلب مالـه فـي طعـون البعـد طاقـه
بس راحت مع نسيم ٍ كـااااان يغرينـي مهبـه
وانجلى طعم الفرح واليوم ماتقت لمذاقه
كل جرح ٍ من فراقك لانويت اجيـب طبـه
بذكر أنك كنت غالـي وكنـت للقلـب اشتياقـه
خذ مني قاعده صـارت بفكـر العقـل قبـه
وخذها مني قناعه في مفاهيـم العلاقـه
ممكن بيوم ( الصداقه ) تكبر وتصبح ( محبـه )
بس لا يمكن بيوم (( الحـب يتحـول صداقـه))
__________________