البــــارحـــه,,,
البارحه والله ماادري ايش جابك
في بال من خلاك وانتي على البال
امن اول(ن)كنت احترق في غيابك
واليوم مايفرق غيابك ولو طال
جرد المشاعر ماارتوت من سحابك
والقلب ماعاد اشجنه برق وخيال
كنت اعتبر حظي حلو يوم جابك
لاكن طلع مابه من الحلو مثقال
لانه خذاك بسرعة(ن)وانتحى بك
وحطم احلام واحاسيس وامال
رغم العتب تاتين حضرت جنابك
ثم تستحلين الفكر جد وهزال
انتي خذلتي خافق{ن) اعتنى بك
على اهتمامه بك تجازينه اهمال
والله لو ان الي سطا بي سطا بك
ماكان ميلتي مع الفي لامال
ماكان حد جابك ولا حد غدا بك
ولا سمعتي كل حاسد وعذال
الا قولي لي البارحه ويش جابك
وانتي قسم بالله مانتي على البال |