بسم الله الرحمن الرحيم
السلام عليكم ورحمة الله وبركاته
هذي القصيدة رد على الشاعر بشير المطيري الذي تطرق في قصيدته في سب هزاع ابو الروس .
يالي تسب الناس هرجك تكاذيب
سقيم عقل وضاري للأهانه
مهنتك يابشير شذب العراقيب
متعودن للسب وايضا للعانه
عزاللة انك ماتعرف المواجيب
ألا ومع ذلك مقر العفانه
لا تعترض للوايلي منبع الطيب
من يقرب الويلان نقطع لسانه
لو تحكي وحطيت كل المشاعيب
هزاع ماتقدر تزحزح كيانه
أبوفهد بالطيب حاش المكاسيب
رقى سنام المجد باعلى مكانه
تشهدله الأصحاب هم والأجانيب
وألي وصل للبيت شافت عيانه
شاف الصياني فوقها شمخ النيب
ومفطح الخرفان صعب احصيانه
والا انت يابشير ماقصدك الذيب
القصد واضح مايبيله بيانه
اتدور اللقمه وبعض المطاليب
ضعيف نفس وفوق ذالك جبانه
وسلامتكم .
الشاعر // احمد رحيل ابو زيد