يمه عسى شرك يزول وتطبين
وتقضين عمرك في صلاة وعباده
وإلى لفيتك زاير لي تقومين
تستقبليني في حنان وسعاده
يضمني صدرك وتدمع لك العين
يطيح فوق الكف يعلن وداده
يمه فداك العمر وشبك تونين
يايوه عقبك عايشين بنكاده
يمه يتل الروح يوم انتي تبكين
تلة طيور القنص لحظة هداداه
يمه فداك الكون والناس تكفين
ماودي اسمع مااتحمل زياده
ردي علي يايوه وشبك نسيتين
ردي على ماعاد فيني جلاده
ردي علي يايوه او ماعرفتين
يمه ذبحني ضمتك للوساده
يمه بدت بالصدر ثوره براكين
تفجرت احزان هم ولهاده
ومن الحزن ذبلت زهور البساتين
ورد الهدا يايوه اعلن حداده
دكتور خذ قلبي وكبدي مع العين
عطهم دفا عمر العمر هي مراده
رمز الوفا والتضحية امي امنين
القر ربع ربع الربع من جهاده
يالله عساي ارد له اول الدين
يفداد قلبي والجوارح قلاده
ويالله يامنزل تبارك وياسين
وبسمك نطق عيسى وهو في مهاده
تشافي امي ام كل المساكين
اللي لها بالطيب طبعٍ وعااااااااااااده
((( رحم الله والدي ووالدتي)))