كل الدروب اللي تقهوت خطاويك /
هـزت فناجيل الشقى في إنتظــارك..
خبيت باكر داخــل أبواب ماضيك..
و أسدلت في وجهي مـواري قرارك..
أتعبت لون الصبح و أنا أنشغل فيك..
و أرهق سماي الليل بأحضـــان دارك..
حلمك ~ طقـوسك ~ إنتظارك ~ أمانيك /
قلي و ربك وش عثى بإختـيـارك ؟؟
غبت و رحلت و عاش في الجوف طاريك..
و أنا أنسكب لك بين بردك ~ و نــارك..
خيبت قلبـ(ن) عاش يرضي هقـاويك..
و طــاحت فصوله في زوايا مطارك..
الصوت راحت نبرته ( كيف أنـاديك ) ؟؟
عساه يلقى ريشتـ(ن) من مســـارك..
فيها من ~ كفوفك ~ عطورك ~ و أغــانيك..
و فيها من وصوفك / حلاك ~ و سمــارك..
وفيها من عيــونك ( أمل ) عايشـ(ن) فيك..
و فيها من أعماقك ~ صور عن وقـارك..
يا ليلة وصاله حيت بي طـــــواريك..
لا عاد تشكين الولــه و إنكســـارك..
هذا المطر راقص سوالف أسامـيك..
و هذا الشتـاء ما بين طهرك و عــارك..
عزمت ألون لوحة أشياء تبكــــيك..
طغى السواد بحزننا و إحتضـــارك..
سألت عنك هالسكك و الشبــــابيك ~
و أصحاب عمرك / و المسافه / و جـارك..
رغم إني أحسدهم [ معاك و حوالـيك ]..
و أنا فراغ و صورتـ(ن) في جـدارك..
عشت تضم ( البطى ) في مواريــك..
و أنا أضمك عن شتـاتك و أشــارك..
في حفلة الكتمان ( غـابت حـراويك ) ~
عن ضيقة الألـوان قفى مـدارك !!
نمت بدون إحساس و أنا أسهر أدعيك..
و أنت صحيت ( مروق ) في نهــارك..
كـانت دموعك صوت لا قلت ما أبيك !!
[ أمزح ] أحب أشرب قســاك و مرارك..
و أنت نسيت ( ضحكتك ) يوم أقهـويك ؟؟
أطهر معاني هالقصـايد و أبــارك..
عمر(ن) يعيشك حب دايــم يراعيك ~
في جيتك / في روحتك / دايم في إنتظـــــارك..