قل لا ولو مرة عشان انحنيلك
اقطع حبال الخوف ماينفع الجر
حاول تمرد شوف شلي يجيلك
من لاتضررمانفع يوم اوضر
رايك سلاحك لو تشيله يشيلك
وايمانك اكبر من هل الخير والشر
عيش الحياةومز وميز سبيلك
خلك سما يصغر بك البحر والبر
جرب تغير وجهة الغزو خيلك
غامر ويكفي تكتشف لذة السر
يمكن تجيب الفجر من كف ليلك
والاوتبقى نجم من عزته خر
شف عالم البحارخله دليلك
اما كسبه القرش اويكسب الدر
لايرعبونك بيعها تشتريلك
حدد مثل ماتشتهي درب وتمر
وان ضاع عمرك كل شي بقيلك
على الاقل تموت ياصاحبي حر
{سليمان المانع}