الشاعرة هجير
قصيدة كل عام وانت العطر
كل عام وانت العطر يا روحن تصافحني ثوان =منهو يهنيني بعيدك انت والا اطيابك؟؟!!
مدري رياحين العويد الغض وإلا الزعفران =قل للشذى : "عيدك سعيد" وما نسوك احبابك
شف منزلك في خافقي يوم انه طيبك له مكان =خلاني اعرف ليه نود الروض يطرق بابك
من نشر صحرا درهمت ل النفل حتى بعيثران =إسهابة الغدران في عينك لحد إسهابك
لملمت بي اجنانك ونا شتتت من عقبك جنان =هناك تغتابك مضامي الجدب ليه تغتابك ؟
وش قالت اهشوم الفلا عن عشق ذاك العنفوان =وش قال هالجدب ل غيابك وانتحى بغيابك ؟
في ذهن عيدك , ما سكنت إلا بعبيرك من زمان =قل للشذى : "عيدك سعيد" ان مر بي يزهى بك