قصيدة نور العين
ياناس نور العين مايرحم العين
هذي ثلاث سنين بالصد وااااافي
يلعب على الحبلين بيسار ويمين
مدري علامه نور عيني مجافي
نذرت مااعشق بعد خلي ولا زين
اللي فرقه الله بزين/ن خرافي
عذري احبه وانظر لقسوته لين
ويزود حبه فالسنين العجافي
احيان :اقول بدون جهد وبراهين
تكشف له الايام ستر الخوافي
واحيان: اقول اروح واحلف له يمين
واقول ياخلي من البعد كاااااااافي
اما تصافيني على الزين والشين
وتبشر بقلب/ن لك على طول صافي
والا تقول اشرب من الهم كاسين
وانسى عسى الكاسين فيها عوافي
وقررت تجفاني وحست الموازين
فاعلم بأن السعي بعد الطوافي
وان كان تسمح خذ من القلب بيتين
ردي عليك ان كان به رد شافي
ظلمتني ياللي كتبت العناوين
واتعبتني ياضيعتي وانحرافي
هذي حقيقه واستمع للبراهين
وافي ولكن مانت يالزين وافي