قصيدة زمان العجايب
حي الكتاب وحي من خصني به
غالي وقدره يامخاليق غالي
اقلط مادام الطيب والعز قسمك
(( على الشحم ومبهرات الدلالي ))
من هاجسٍ يطرب لصوغ المثايل
ويشوش راسه كان جاله مجالي
يالله ياللي تعلم الحال يالله
تفرج هموم اللي لجألك يسالي
افهم كلامي ياعلي واستمع لي
وانا بحل معقدات الحبالي
اول كلامي لاتبيح سدودك
واصبر ولو يصليك فالصدر صالي
هذا زمانٍ فيه شفت العجايب
فيه القصار اضحت عراضٍ طوالي
احذر رفيقك قبل تحذر عدوك
واصبر على ماجاك في كل حالي
واضحك ولو فالقلب مليون عله
وان زاد همك ياعلي لاتبالي
اعنز على اللي مايخيب ظنونك
وابشر بعزك ياكريم السبالي
وختامها يالله لطفك وعفوك
ياوالين ماغير وجهك بوالي