قصيدة بطاقة دعوة
شكراً أتقبلها الدعوه ..
بس خلي بذهنك
انت الساهم بجوعي وجوع أطفالي
وانت أسعار السوك البيدك أتغير حالك ..
وأنه أتبدل حالي ..
شكراً ..
أنت أتعرفك كل الناس ..
وأنه بعوزي وعوز الدنيه وعوز أمثالي
ليله أنحسب ألف حساب
وليل بجوع وهم أنبات
خلي بذهنك .. بعت الكتب العدي
وبعت اقلامي .. وبعت افراش أشتاي
وأنه ومرتي وربعي أنظل حفاي
وكصرت حته اهدوم اطفالي
وصارت من قمصاني البتي اثياب
وخلي بذهنك من تتمرض بنتي
اضطر أستعمل كل الطب الشعبي
ومن أضطر كلش وأتوازه
أبيعن ..
ولا بالغرفه أيظل شباج وباب
أنبيع ..
أنبيع ..
أنبيع وأنت اتبدل دمعي ودمع أطفالي
بحفنة تمن وحفنه أتراب
شكراً ..
أتصور مخطوءه الدعوه
لا أنه ولا مثلي التدعيهم أحنه أغراب