(شبكة ومنتديات الشميلات الرسمية) - عرض مشاركة واحدة

14-10-2010, 04:39 PM

قصيدة مااي الغلا

شوف القصايد قبل لا تظلم أحساسي
شوف القوافي جروحي وأنت جاهلها
صاحبك ماهو بلا هاجر ولا ناسي
لكن حالة زمانه ما تحملهااا
أجيك كلي تعب وأقول لا باسي
والباس في عين خلك يا مزعلها
عينن شكت من عتاب الوقت والناسي
تعبت من طيبتي يومي أعاملهاااا
أقفيت مدري علام الفكر منحاسي
يقبل دموع الفراق وما تخيلها
أحيان يذبح شعوري قول هوجاسي
وأحيان ينصر دموعي ثم يخذلهااا
الحب موج الحياه الموجع القاسي
كثير ناسن ب هالايام يمهلها
والبحر يغرق به السباح والراسي
يغرق قلوب الهوى داخل مداهلها
مليت أذوق الفراق المر في كاسي
ملت عيوني من الدمعه تحايلها
مليت أعلن لحبي قمة أفلاسي
ملت حياتي من الضيقه وطايلها
شكيت حالي وهمي ليتك أتواسي
وتشفق على طيبتي قدام تقتلها
ما دام مآي الغلا يا صاحبي آسي
أرمي جميع اللآلئِ ليش تحملهااا؟
أسمع دخيلك كلام الموت بأنفاسي
كنه يسولف عن الضيقه وعاملها
اللي حصل بيت حلمي خالف الساسي
وأنهد بيتي على روحي وكبلها
حاولت أبدل ظروفي وأترك الياسي
لكن صارت ظروفي قبل أبدلها
العلم جالك بصوتي قبل قرطاسي
والسالفه من زمان القلب قافلها
وشلون أجيب العذر وشلون ينقاسي
والذنب أعظم من الاعذار بكملها
من عقب ما كنت لي نوري ونبراسي
أصبحت لي مصدر الضيقه وأولها
تبغى الصراحه تراني صدق محتاسي
مدري الى وين كلماتي أحللها
يلعب بفكري من الأيام وسواسي
وأحاول أني أعديها وأجاملها
تعبت يا صاحبي من كثرة أتعاسي
نهايتي عن حياتي صرت أفضلها
حتى السعادة قست ما دقت اجراسي
مدري من اللي مدللها وشاغلها
تعال قرب وشوف أشكال جلاسي
همن وحزن وغربه آه ما أثقلها
فقير حظي رسمني وسط كراسي
صوره حزينه بلا برواز كملها
أنا دخيلك قبل لا تظلم أحساسي
تقرأ جميع القصايد دون تجهلها
صاحبك ماهو بلا هاجر ولا ناسي
لكن حالة زمانه ما تحملها
أن عشت ببقى كماني رافعن راسي
وأنت مت أمانه عليك الروح حللها