لو تعود آمالنا من واحة الغربة نكايف
تصطدم في صمت بأسوار الظروف اللي داهمتنا
مالقينا فالحياة أبراج يازين الوصايف
تهدي البسمة لنا من بعد مااغتالت بختنا
عاتيات الوقت تطوي حبنا طي الصحايف
ياكثر ماقد خذت منا ولا ادري وش عطتنا
غير لوعة ما مضى باقي من أيام عجايف
كل مالاحت بروق الفكر صوبه ذكرتنا
ذكرتنا بالبداية قبل مانصبح طوايف
رغم أنا مانسيناها وهيه ما نستنا
ونعمة الحرمان تاخذمن وطن حظي مصايف
وقبل مانعلن ولايتها تجرت واحكمتنا
بعد هذا مالنا إلاا نومن بحلم الوظايف
والحياة إن ما رضينا بامرها ماشاورتنا
وممكن الدنيا تفرقنا بعد ماكنا ولايف
وممكن الدنيا تجمعنا مثل مافرقتنا
القضاء والقدر يرسم في حواجبنا طرايف
وكان مانحلت قضيتنا بتكبر مشاكلنا
وهكذا الأيام ترعب فارس ماكان خايف
كم عزيز بذلت حاله مثل مابهذلتنا
وأن رجعنا للحقيقة ماعلى الدنيا حسايف
كلها أيام وليالي ثم تطوى سالفتنا