صح الشمالي صدره اوسع من الكون
................بس انتبه لا ضاق صـدر الشمالي
وصح انك الغالي وانا فيـك مفتـون
...............بس انت ماقدرت مـن كـان غالـي
خيبت هقـوات ٍ كثيـرات وظنـون
...............واخلفـت ماكـان بخيالـي وبالـي
وخليت كل النـاس عني يقولـون
................مسكين يمشـى بالهـوا دون والـي
والناس ناس ٍ واكثر الناس يـدرون
................باللى معك صايـر وماقـد مضالـي
كم قلت لك لا تفعل اللـى يسـوون
................خلك معـي مخلـص بـاول وتالـي
كم قلت لك اترك هل الهرج يحكـون
...............وارفع مقـام الحـب دايـم بعالـي
لان الهوا مبـدا وحكمـه وقانـون
................شي ٍ كبير وشـي ..شـي ٍ مثالـي
الله لو تدرى اليـا غبـت وشلـون
................حالي اليا من غبت وشلـون حالـي
لا رحت ضلعي من عنا البعد محزون
..................حتـى منامـي لاحشـا ماهنـالـي
وان جيتني دمي وروحـي يغنـون
.................دبكة غلا من بعـد طـول انشغالـي
واليوم مانى فيـك مغـرم ومفتـون
...................اليوم انا فى غيبتك صـرت سالـي
مالك ومالي منـت للخافـق تمـون
..................وان قلت ليه اقـول مالـك ومالـي
واكيد لـك رجعـه وانا اكيـد بكـون
.................احرقت صفحاتـك ولا لـك توالـي
وبسمعك (احلام ) لاجـرت لحـون
................وش ذكرك حـب ٍ طوتـه الليالـي
ملعون ابو قلبـي اذا جـاك ملعـون
...............وانا معـرب مـن عمـام وخوالـي
انا شمالي صدري اوسع من الكـون
.................بس انت ماخليت صـدري شمالـي
مماراق لمتواضع
م/ن