أنا زعلان منك حيل وشايل لك بقلبي عتاب
واتمنــى تحملنــي مثــل مـــاأتحمـــل عتابـــك
ترى بعض الصراحه جرح وثقل ونرفزه واعصاب
ابي تسمع كلامـــي زيــن وتمســــك زيـــن اعصـــابك
تعــاهـدنـــا أنــا وانتــه على ان نكــون احبــاب
واحبــابك هم احبــابي واحبــابي هم احبــابك
وش اللـي غيــرك فجــأه تكلـم وأذكــر الاسبــاب
أنـا بسمــع كلامــك زين وبسمــع زين اسبابــك
رغــم كل الخطــأ منــك فوجهــك ماقفلــت البــاب
ويــوم اخطيت في حقــك قفلت فوجهـي ابوابــك
رخصــت الغالــي لعيونــك حنيت لخاطرك رقــاب
رضيت احنيهــا ارقابي ولا تحنيهــا ارقابـــك
ولاتفكــر في يوم انســاك أو يشغلنــي عنك غيــاب
أنا اتنفســك اهـــواك وفيك امـــوت واحيــابك
أنــا ماشـوف احد غيــرك جميل يفتنـــه جـــذاب
انــا أعجــابي فيــك اعمى يفوق اعجــاب اعجـــابك
انــا مهمــا قســى قلبــي بكلمــه منــك ذاب
انــا من زود عشقـي لك عشقت العطر في ثيابــك
انــا ياليت مغــرم فيــك انــا كلي فغرامــك شــاب
أحســك جــزء من روحــي ولا اتحمــل غيابــك
ولكــن كل شيء الاجزاه الصد بالترحـــاب
اذا صديت ترحــابي ترى باصد ترحابــك
ولانــي مرتضى ذلي ولو كان الهـــوى غــلاب
اذا مـاكـان ترضـا بي حشـاء لايمكــن ارضا بــك
تجافينــي ولا همــك ولا تحسـب لي أحســاب
وأنـا من زود عشقــي لك أصونـك وأحســب احسابــك
ألا ياقسـوة الصدمــة تجيني منــك الأصــواب
وأنــا اللــي كنت اقــول الجرح اذا ماصابني صابــك
أمــانه قــول وش بقيت للعذال والأغراب
اذا هذا معــي طبعــك أجــل وش حــال اغرابــك
حقيقه اكتشفت انــك سخيف بطبعك الكذاب
وأنــي كنت لك لعبــه سخيفه تشبه العابــك
أنــا عيبي غبي طيب وضني فيـــك والله خــاب
ولا قد كنت اتوقـع تجافي يــوم اصحــابك
أنــا جيتك بطيب الطيب وفيــك الطيب أبد ماجــاب
أبــي تعذرني هــا القســوة لأن الطيب ماجــابــك
|