جميع الناس تدعيلـي = شهـر مقبـول ب(أعْمَالـي)
تِباركلي قدوم (العيد) =عساني .. مـن حَيـا وعَـاده
(رِسَايـل) .. مالهـا أول = ولا آخـر .. لِ(جـوّالـي)
كثيره .. توصـل (الـوارد) = عَجـز لا يقبـل زيَـاده
بَعضهم .. يذكر .. ويَرسـل = رسايلهـم علـى بالـي
وبعضهم .. يتّصل .. يسأل = وجَاوبهـم علـى العَـاده
(طيّب) .. (ماعليّ خْلاف) = (أبَشركـمْ عـن أحوالـي)
وحَمْد الله .. علـى كـل حَـال = حِنّـا تحتـه عبَـاده
كلّ(ن) ظنّ .. بي ظنه = سِعيـد .. وخَاطـري سَالـي
كـلّ(ن) يحْسـب أيامـي = عَلـى الأفـراح مِعـتَـاده
مَافيهـم أحـد يَـدري = عـن إللـي كـان يِجـرالـي
ولا فِيهـم أحـد مِثلـي = يشيـل الهـمّ ب(أعـيـاده)
أنا .. ما مَرّني عِيدي ! = ولا شِفتـه ! .. ولا جَالـي!
ولا حَتـى سِمَعـت = إنّـه تَـأخـر يــوم مِيـعَـاده
غريبه !! .. عَادته يَقلـط =عَلـى مَركـاي .. ودلالـي؟
يِسُولـف لـي عَـن أحْوالـه = وضَـوّي دوم وقّـاده
غريبه !! .. مَرّ مـن عنـدي = ولا حتّـى تعنّالـي!!
لا نَاظـر .. ولا سَلّـم = وأنـا مِذْهِلـنـي عـنَـاده!!
بَس .. لَحظه .. عَرفت ألحين = ليه ما كـان يصفالـي
أشوف العِيد مثل النـاس =وأعـز النـاس ف(بعَـاده)
بِعيده إيييييييـه عَـن عينـي = وزَاد اليـوم غربالـي
يمرّ العِيـد .. وعيونـي =عـن الغاليـن .. نشّـاده
تنشدني .. وش إللي صار ؟ = وليه المنـزل الخالـي؟
وينه نورهـا .. وينـه ؟ =تقولـي : صَاحبـي نَـاده
وأنـا .. عاجـز أجاوبهـا = جـاوب دمعـي وسالـي
علـى خـدي .. يعلمهـا = يحـاول يوصـل مراده
وأنا في ضِيقـة أحْزانـي = أبـد مَـا كـان يِطرالـي
تِكَلمنـي .. تِعَايدنـي =علـى (الجـوال) يـا سـاده!
ألو ؟ (بابا) .. أنـا (بنتـك) = وهَـلّ الدّمـع طَوّالـي
بـدُون شعـور .. وكَلماتـي =تِقـل مَاهيـب منقَـاده
( غلا ) بنتي !! .. هَلا عمري =ياعِيدي الأول .. التالي
يا كِل أفرَاح هَالعالـم = بدونـك عيـد .. وش عَـاده؟
عَساك بخيـر .. قوليلـي ؟ = تـرا مانيـب بلحَالـي
مَعـي طيفـك يِسَليـنـي = خَيـالـي دوم يِـرتَـاده
أنـا مِشتـاق لعيـونـك = وذَاك المبـسـم الحـالـي
بَعـد مِشتـاق لحروفـك = وكيـف (مكَسّـره سَـاده)
أنـا مشتاقلـك كلّـك = مـتـى وصْـلـك تَهيّـالـي
بجيك أسابـق الخطـوه = يـا كـلّ الـذوق وأسيـاده
أشيـل الهـمّ فـي صـدري = ودمـع العيـن همّالـي
على ظرفي .. على وضعي = وأشكـي ليلـي وسَـاده
وأنا رجواي في ربّي = الكريـم .. الواحـد .. العالـي
يزيح الهمّ عن صدر(ن) = كثير الصّبـر .. مـا فَـاده
ويحفظلي بعد (بنتي) = فـي دنيـا غيرهـا مـا لِـي
يعَجّـل لـي بشوفتهـا = ويَجلـى الـهـمّ وسْــواده
أنـا حَسبـي علـى ظرفـي = كانـه ميّـل ظـلالـي
وخلاّنـي سِهيـر الليـل = وكـلّ(ن) مِهتنـي رقَـاده
(يابنتي) .. بس .. قوليله = منهو خَاطـره .. سَالـي
(بابا) .. هذي أيّامـه = علـى الأحـزان .. معتَـاده!!
بدر الشمال