[[[(خفي حنين )]]]
شدني صوت سمعته يداعب مسمعي
من هنا كنه يجيني وهم مابه حلا
ياليالي ذكريني هواهم وارجـعي
من رمى ذيك الشراره عليه الله علا
جيت له فايض مشاعر هقيته مرتعي
وارتحل مركب هواهم تركني وانجلا
قلتله ماني روبنسون حسبت انه يعي
ولابقالك في غيابك سوى حفنة غلا
طشها كفي بلاها غلاتك يادعي
ياتجي كلك مشاعر صدوقه او فلا
الشجر لولاجذوره طرحته بصبعي
كنت لك جذر ومهابه رفعتك للعٌلا
تحسبني في غيابك اساير مدمعي
مابكت عيني رمادن تطاير بالخلا
ما جذع انفه قصير لجل قلة وعي
ولاترك سالم حبيبه لجل قلبه سلا
مارجعت الا بخفي حنين اللي معي
من جرح كفه بكفه لقم نفسه بلا