[[[(أعتب عليك..!! )]]]
يا حبيبي لي على قلبك عتب .. من زمانٍ صار فرحه لي أماني
ما شكيت الحال ليه صاح الهدب .. وارتوت عيني وهمِّي قد حواني
كلَّي أجيك اليوم قلبي قد تعب .. ارحم اللي حب قلبك يا أناني
كنت أظن اليوم ما بأحكي تعب .. كنت أظن اليوم ما يبكي هدب
واليوم أنا جيتك وحيدة .. أبكي وأفكاري شريدة
ودي بلحظة سعيدة .. ولي طلب منك أريده
دامك انت نور عيني .. دامك الفرح بسنيني
دامك أحلامي وحنيني ..!!
لا تخليني وحيدة
********
أعتب عليك .. وجيتك اليوم أشتكيك .. وأرتجيك
دمعتي غطَّت سحب .. من الحبيب اللي تحب
وارتسم حزني على قلبي .. وبالفرقى كتب
****
أكتب الفرحة حروف .. وانسج احزاني قصايد
أشتكي ظلم الظروف .. والألم بالقلب كايد
يا قصيدة كم رسمتيني ألم .. وكم كتبت حروف اسمك من ضلوعي
أشتكي هذا الزمان اللي ظلم .. وأشتكي فرحة نوت تهجر بعد طول الرجوعي
********
كلٍ بها الليلة سعيدٍ مع حبيبه .. كلٍ لبس ثوبٍ جديدٍ يهتني به
وانت وينك .. يا حبيبي !!
وين عيدي
وينك
أبي ألبس مثل غيري
الثوب الجديد