[[[(محاكمة بعد الموت )]]]
كيف الدروب تموت ..؟
وتسبق أثير الصوت ..!
ضاع اللقاء ..
والمساء ثرثر سكوته ظمأ ..
في زحمة النار ..
وقعر السكون .. ضجت الدور
وتبلل الكون ..!!
ودي أبوح ..
وأسبل عيون النوح ..
لا .. لا تحبس النبرة ..
قل :
عاشقة سرقها اللوم .. وسلمها للعِبرة
قل:
باهته صورتك ..
لخيم الليل فوق صورتي ..!
مبحوحة حروفك ..
في طريق ضيع خطوتي ..!
في وضوحي تاهت ألوانك ..
وبغروبي اختفى ظِلك ..
،
قالوا :
روحي لمه ..
ضمي جسد مفارق ..!!
قبل لا تضمين جرح حارق ..
أسقيه من نهرك الوافر ..
ركعي قلبك حول قلبه المسافر..!
أكابر
أيه أكابر ..!!
حتى هل الدمع من عين أمي
غارقه به والوقت مغادر ..
يمه .. ليه الحسرة .. يا يمه ؟
بكره يجي بيده وردة ..
يصالحني ..
ونلمس الرضا لأخر حدوده ..
تزيد العَبرة ..!
وتشيخ الجدران .. والزفرة .!
مات .. مات يمه يا أفنان
صرخة .. تهز الأركان
وتبعثر الوجدان..
ساد الصمت ساد ..
وعم السواد ..
لا .. لا حبي ما يموت ..
ما أصدقك .. !
حلفتك بالله .. يا يمه؟
ما أصدقك ..!!
للحين أنا منتظره ..
يجي ويشيلني بصدره
وينه .. يمه .. وينه ..؟؟
أركض للزوايا .. للحجر
تدور الدنيا وأدور
جنّة وصارت بور ..
أتوب .. يا رب أتوب
والدمع أعلن الصبوب ..
بالله قولوا كذب ..
وراح يرجع لكِ العذب ..
.
،
.
التف الليل على روحِك ..
ترك لي جرح ..
كيف أسامح ..؟
ما راح .. أسامح
وأن خف اللهب ..
أزيده من الندم حطب ..!
ما راح أسامح ..
حتى يخيط القدر كفن ..
أو فراقك يلطف بعقلِي ويهديه الوهن ..!
يا حبي ..
والله أحبك .
وأقبل تراب الأرض ..
اللي توصله خطوتك ..
وأحث الخطى لـ نفسي
وأنت نفسي ..
ما قلتها لك وأنت حي ..
لكن هذا همي ..
أنثره فوق صمت الصورة ..
علّه يخفف نزف جرحي ..
وهذا دمعي ..
يقبل ما بقاء من نوره ..
ويرفف على حر قيدي ..
يا ويلي ..
و يا لجة سواد ليلي ..!